រំភើបណាស់! សិស្សក្រីក្រជាប់និទ្ទេស A នៅតាកែវ ត្រូវលោកឧកញ៉ា ទៀ វិចិត្រ ធ្វើអោយស្រក់ទឺកភ្នែក ត្រេកអរខ្លាំង…

Spread the love

ខេត្តតាកែវ ៖ មហាជនច្បាស់ជាស្គាល់ច្បាស់ថា លោកឧញ៉ា ទៀ វិចិត្រ នាយកក្រុមហ៊ុនកាណូតលឿន ជី.ធី.វី.ស៊ី ស្ពីដបូត តែងតែធ្វើនូវអំពើសប្បុរសធម៌ជួយដល់ពលរដ្ឋដែលកំពុងខ្វះខាតទីទាល់ក្រ ជាហេតុធ្វើឲ្យលោកទទួលបានការគោរពស្រលាញ់ខ្លាំងពីមហាជន។ ហើយថ្មីៗនេះដើម្បីលើកទឹកចិត្តនិងជួយដល់សិស្សក្រីក្រមួយរូប លោកឧកញ៉ា ទៀ វិចិត្រ បាននាំយកម៉ូតូសេរីថ្មីមួយគ្រឿងនិងថវិកាចំនួន៤លានរៀលបន្ថែមទៀត ទៅឧបត្ថម្ភដល់ប្អូនស្រីសិស្សពូកែមួយរូបដែលខំប្រឹងរៀនសូត្រប្រឡងបាក់ឌុបឆ្នាំ២០១៩នេះជាប់បាននិទ្ទេសA តែម្នាក់គត់ ក្នុងចំណោមសិស្ស ច្រើននាក់ រស់នៅក្នុងគ្រួសារក្រីក្រ មានម្តាយជាស្រ្តីមេម៉ាយ បច្ចុប្បន្នប្រកបមុខរបរ ដើររកអេតចាយលក់ នៅភូមិដើមបេង ឃុំគិរីចុងកោះ ស្រុកគិរីវង់ ខេត្តតាកែវ។

ប្អូនស្រីសិស្សពូកែរូបនេះឈ្មោះ ស៊ាង វ៉ាន់ថង សិស្សវិទ្យាល័យ សុខ អាន ទន្លាប់ ស្រុកគីរីវង់ ខេត្តតាកែវ ហើយជំនួយនេះត្រូវបានលោកឧកញ៉ាទៀ វិចិត្រនាំយកទៅប្រគល់ផ្ទាល់ដល់ផ្ទះ ក្នុងភូមិដើមបេង ឃុំគិរីចុងកោះ ស្រុកគិរីវង់ ខេត្តតាកែវ ។ លោកឧកញ៉ាទៀ វិចិត្រ មានប្រសាសន៍ថា ជំនួយនេះផ្តល់ជូនជាការលើកទឹកចិត្តចំពោះការខិតខំរៀនសូត្ររបស់ប្អូនស្រី និងជួយដល់ជីវភាពរស់នៅរបស់គ្រួសារក្មួយស្រីដែល កំព្រាឪពុក រស់នៅជាមួយម្តាយមេម៉ាយក្រីក្រ តស៊ូចិញ្ចឹមកូនអោយរៀនសូត្រទាំងជីវភាពលំបាក។ ទាំងក្រុមគ្រួសារនិងទាំងក្មេងស្រីរូបនេះ បានគោរពថ្លែងអំណរគុណរកអ្វីប្រៀបផ្ទឹមពុំបានចំពោះអំពើសប្បុរសធម៍របស់លោកឧកញ៉ាទៀ វិចិត្រនិងគ្រួសាររបស់លោកឧកញ៉ា ដែលបានជួយឧបត្ថម្ភម៉ូតូថ្មីមួយគ្រឿងនិងបន្ថែមប្រាក់៤លានរៀលទៀត និងបានគោរពជូនពរលោកឧកញ៉ាព្រមទាំងគ្រួសារ ប្រកបដោយពុទ្ធពរ៥ប្រការ ៕​ ប្រភព៖ Khmernote TV

Written by 

Leave a Reply

Your email address will not be published. Required fields are marked *